Muling nagkamit ng tagumpay ang Provincial Government of La Union (PGLU).
Ang La Union ang kauna-unahang lalawigan sa bansa na nakapasa sa tatlong ISO Standards na siyang patunay sa magandang public administration services nito.
Pasado ang PGLU sa PS EN 9001:2015 QMS Second Surveilance Audit; BS EN ISO 14001:2015 Environmental Management System at ISO 45001:2018 Occupational Management System.
Iniabot ng mga auditors mula sa NQA Global Assurance ang tatlong sertipikasyon kay La Union Gov. Rafy Ortega-David.
Kasabay sa pagtanggap niya sa tatlong sertipikasion ay tiniyak ng gobernadora ang tuloy-tuloy na pagsasagawa sa mga ISO Standards sa La Union Provincial Capitol para sa mas magandang serbisyo-publiko.| ulat ni Glenda Jing| RP1 Agoo
