Nasabat ng Philippine National Police (PNP) ang mahigit limang milyong pisong halaga ng ilegal na droga mula sa isang high value drug target sa operasyon sa Bacolod City kaninang madaling araw.
Sa ulat na nakarating sa Camp Crame, kinilala ng Bacolod City police office Station Drug Enforcement Team ang arestadong suspek na si Rene Lapera Jr. alyas Ombap residente ng Barangay Pahanocoy, Bacolod City.
Nakuha sa kanya ang 800 gramo ng shabu na nagkakahalaga ng ₱5.4-milyong piso.
Sa ngayon nagpapatuloy ang tactical interrogation na isinasagawa kay alyas Ombap upang matukoy kung sino ang source nito ng ilegal na droga at kung sino-sino pa ang mga koneksyon nito.
Binati naman ni PNP Chief Police General Benjamin Acorda Jr. ang Bacolod City Police Office sa matagumpay ng operasyon at umaasang tuluyang matutuldukan ang pamamamayagpag ng ilegal na droga sa Bacolod City. | ulat ni Leo Sarne
📸: Bacolod CPO
