Umabot sa 3,822 na mga benepisyaryo ng mga programa ng Department of Social Welfare and Development (DSWD) XI ang nabigyan sa loob lamang ng isang linggo mula May 22 hanggang May 26, 2023.
Kabilang sa mga nabigyang mga benepisyaryo ay nagmula sa mga probinsiya ng Davao de Oro, Davao Oriental at Davao Occidental.
Sa probinsiya ng Davao Oriental at Davao de Oro, umabot sa P12,153,000.00 cash assistance ang ipinagkaloob sa pamamagitan ng Assistance to Individuals in Crisis Situations (AICS) Program ng DSWD Davao Region.
Habang mahigit P3-million naman ang halagang naipamahagi sa mga benepisyaryo ng DSWD XI sa probinsiya ng Davao Occidental.
Ayon sa DSWD XI, magpapatuloy ang kanilang pagtulong sa mga mamamayan ng rehiyon lalo na sa mga mahihirap na mapaangat ang kabuhayan sa pamamagitan ng pagbibigay ng livelihood assistance at iba pang tulong. | ulat ni Macel Dasalla | RP1 Davao
