Nagpahayag ng buong suporta ang National Irrigation Administration (NIA) sa pag-apruba ni Pangulong Ferdinand Marcos Jr., sa Masagana Rice Industry Development Program (MRIDP) na layong maabot ang tina-target na rice sufficiency sa bansa.
Matatandaang kamakailan lang ng pangunahan mismo ni Pangulong Marcos Jr. ang isinagawang Convergence Meeting sa tanggapan ng NIA kung saan binigyang din nito ang prayoridad na mapalago ang produksyon ng agrikultura sa bansa.
Kasunod nito, nangako naman si NIA Acting Administrator Engr. Eddie G. Guillen na committed ito sa kanilang mandato na maghatid ng sapat na irigasyon para masuportahan ang mga magsasaka.
Tiniyak rin nito ang patuloy na pagtataguyod nila ng irrigation infrastructure projects sa buong bansa para mai-angat ang agricultural sector. | ulat ni Merry Ann Bastasa
📷:NIA
