Kanselado ang nasa apat na biyahe ng eroplano sa Ninoy Aquino International Airport (NAIA) ngayong araw.
Batay sa abiso ng Manila International Airport Authority (MIAA) Media Affairs Division, bunsod ito ng nararanasang masamang panahon sa destinasyon.
Kabilang sa mga nakansela ay ang biyahe ng Philippine Airlines (PAL) Express flight 2P 2932 at 2P 2933 na biyaheng Manila patungong Basco at pabalik.
Nakansela rin ang biyahe ng AirSWIFT flight T6 542 at T6 543 na biyaheng Manila patungong Busuanga at pabalik.
Dahil dito, pinapayuhan ang mga apektadong pasahero na makipag-ugnayan sa kanilang airline company para sa rebooking o refund sa kanilang biyahe. | ulat ni Jaymark Dagala
