Nasa P5.4-million na halaga ng iligal na droga ang nakumpiska ng mga pulis sa Purok Villa Lourdes, Barangay Pahanocoy, Bacolod City, 1:56 kaninang madaling araw.
Arestado sa buy-bust operation si Rene Lapera, 26 na taong gulang at residente ng nasabing barangay.
Nakumpiska sa subject ang 800 gramo ng shabu na nagkakahalaga ng 5,440,000 pesos.
Ayon kay Bacolod City Police Office Director P/Col. Noel Aliño, nakulong na noon ang subject sa National Bilibid Prison dahil sa iligal na droga.
Nang makalaya, bumalik ito sa pagbebenta ng iligal na droga sa Bacolod.
Ang matagumpay na operasyon laban sa suspek ay ikinasa ng Station Drug Enforcement Team ng Bacolod City Police Station 8 at Special Operations Unit- PNP Drug Enforcement Unit.
Kasong paglabag sa Republic Act 9165 o ang Comprehensive Dangerous Drugs Act of 2002 ang kakaharapin ng suspek. | ulat ni Paul Tarrosa | RP1 Iloilo
