Inatasan ni Department of National Defense (DND) Secretary Gilbert Teodoro ang National Disaster Risk Reduction and Management Council (NDRRMC) na magbigay ng real-time updates sa sitwasyon ng Bulkang Mayon at Taal.
Ito’y sa pagpupulong ng NDRRMC kahapon matapos ang mga aktibidad kaugnay ng pagdiriwang ng ika-125 araw ng Kalayaan.
Binisita ni Teodoro ang NDRRMC operations center, para makita ang mga paghahanda at mga aksyon na ginagawa kaugnay ng kasalukuyang situasyon ng dalawang bulkan.
Kasama ng kalihim sina Civil Defense Deputy Administrator for Administration Assistant Secretary Hernando Caraig Jr. at Office of Civil Defense (OCD) Operations Service Director Cesar Idio.
Tiniyak naman ng NDRRMC na tuloy-tuloy ang koordinasyon sa pagitan ng iba’t ibang ahensya ng pamahalaan sa pagtugon hindi lang sa situasyon ng dalawang bulkan, kundi maging sa epekto ng bagyong Chedeng. | ulat ni Leo Sarne
