Matagumpay na na-“curtail” ng militar ang operasyon ng mga terorista sa bansa at sa buong rehiyon sa pagkaka-nutralisa ng lider ng Dawlah Islamiyah na si Abu Zacharia , na siya ring Emir ng ISIS sa Southeast Asia.
Ito ang inihayag in AFP Western Mindanao Command (Westmincom) Commander Lt. Gen. Roy Galido matapos na mapatay ang notorious terrorist leader sa engkwentro sa Bangon, Marawi City kaninang ala-una ng madaling araw.
Ayon kay Galido, ang engkwentro ay resulta ng pinagsanib na law enforcement operation ng AFP, PNP at buong intelligence community.
Sinabi ni Galido na ito ay manipestasyon ng determinasyon ng pamahalaan na wakasan ang Islamic radicalism na isinusulong ng ISIS sa bansa, at babala sa lahat ng mga radikal na hindi sila tatantanan ng pamahalaan. | ulat ni Leo Sarne
