Binati ni Department of National Defense (DND) Secretary Gilbert Teodoro ang mga opisyal at tauhan ng DND-proper sa pagpapatuloy ng kanilang ISO (International Standards Organization) certification para sa Quality Management System (QMS) at Defense System of Management (DSOM).
Ito’y matapos na makapasa ang tanggapan sa unang surveillance audit na isinagawa ng mga external auditor mula sa SGS Philippines.
Ayon sa kalihim, ang ISO-certification ay mahalaga para sa kanyang bisyon na isang malakas na organisasyong pandepensa.
Nagpasalamat naman ang kalihim sa mga external auditor na sina lead auditor Ms. Gemma Gimenea, at team member Mr. Joel Portugal, sa pagpupulong para talakayin ang resulta ng audit.
Ang mga findings ay isusumite ng mga auditor para sa pagpapatuloy ng sertipikasyon ng tanggapan sa ilalim ng ISO 9001:2015 standards. | ulat ni Leo Sarne
📸: Ms. Shella Sonogan / DND-DCOMMS
