Umaasa si Infectious Diseases Expert Dr. Rontgene Solante na isa sa mga mabibigyang prayoridad ng bagong health secretary ang pagpapalakas sa public hospitals, bilang bahagi na rin ng pagpapataas ng kapabilidad ng bansa sa paglaban sa pandemiya.
Sa briefing ng Laging Handa, ipinaliwanag ng eksperto na nakita naman ng lahat kung saan mahina ang health sector ng Pilipinas noong kasagsagan ng COVID-19 pandemic.
Umaasa ang eksperto, na ipagpapatuloy ng kalihim ang mga programang nasimulan na ni Health Undersecretary Rosario Vergeire, lalo na iyong mga programa sa ilalim ng Universal Health Care Law.
Ayon kay Solante, ikinalugod ng kanilang hanay na mayroon nang napili si Pangulong Ferdinand R. Marcos Jr. bilang kalihim ng DOH, at si Secretary Ted Herbosa aniya ay angkop sa posisyong ito.
“He came also from the ranks of a public health expert, emergency medicine, professor so he has a lot of competencies that we are looking for as a leader of the health department.” —Dr. Solante. | ulat ni Racquel Bayan
