Nagpasa ang Sangguniang Panlungsod ng Muntinlupa ng isang resolusyon na nagpapaabot ng pakikiramay sa mga naulila ni dating Senador Rodolfo Biazon.
Sa nasabing resolusyon, lubos na nagpapasalamat ang lungsod sa dating senador sa kanyang buhay ng pagiging makabayan, pagkakaroon ng dedikasyon sa tungkulin, at sa kanyang hindi matatawarang paglilingkod hindi lamang sa Muntinlupa, kundi pati sa buong bansa.
Kinilala rin ng konseho ang hindi matatawarang serbisyo ni Biazon at ang commitment nito na ipagtanggol ang kalayaan at demokrasya.
Binigyang-diin ng konseho na kanilang ipagpapatuloy ang legasiya ni Biazon sa larangan ng serbisyo publiko. | ulat ni Gab Humilde Villegas
