Muling nagpatupad ng balasahan sa hanay ng mga senior police officials si Philippine National Police (PNP) Chief General Benjamin Acorda Jr.
Sa pinakabagong unit reassignment na pirmado ni Director for Personnel and Records Management Police Major General Robert Rodriguez, limang heneral at anim na koronel ang nabigyan ng mga bagong pwesto.
Kabilang sa mga heneral na nabigyan ng bagong assignment sina:
Police Brig. Gen. Roderick Mariano na itinalagang Acting Director ng Southern Police District.
Police Brig. Gen. Nicolas Salvador na ginawang Acting Director for Plans ng PNP.
Police Brig. Gen. Ponce Peñones Jr. na inilipat bilang Acting Chief ng Legislative Affairs Center ng Directorate for Plans.
Police Brig. Gen. Rizalito Gapas na itinalaga bilang Acting District Director ng Northern Police District at Police Brig. Gen. Kirby Kraft na ginawang Acting Regional Director ng CARAGA.
Epektibo ang balasahan ngayong araw. | ulat ni Leo Sarne
