Nananatili ang mataas na kumpiyansa at suporta ng publiko sa Marcos administration sa unang taon nito ng panunungkulan, ayon yan sa independent at non-commissioned survey ng RP-Mission and Development Foundation Inc. (RPMD).
Batay sa resulta ng pinakahuling Boses ng Bayan survey, nagkamit si Pangulong Ferdinand R. Marcos Jr. ang 82% na approval rating habang 86% naman ang kanyang trust rating.
Si Vice President Sara Duterte naman ay mayroon ding 86% approval rating at 90% na trust score.
Ayon sa RPMD, testamento ito ng malaking tiwala ng sambayanan sa dalawang lider ng bansa.
Pagdating sa Congressional leadership, mataas din ang approval rating na nakamit nina Senate President Juan Miguel Zubiri na nasa 69% at House Speaker Martin Romualdez na nasa 70%.
Nangunguna naman sa Gabinete si Department of the Interior and Local Government (DILG) Secretary Benhur Abalos Jr. na nagkamit ng 88% performance rating at 93% trust rating.
Sinundan ito ni Social Welfare and Development Secretary Rex Gatchalian, 76% approval, 85% trust rating; National Security Adviser Eduardo Año, 75% approval, 87% trust rating; Tourism Secretary Christina Garcia-Frasco, 75% approval, 70% trust rating; Budget and Management Secretary Amenah Pangandaman, 73% approval, 75% trust rating; Trade and Industry Secretary Alfredo Pascual, 71% approval, 65% trust rating; Department of Information and Communications Technology (DICT) Secretary Ivan John Uy, 71% approval, 78% trust; Justice Secretary Jesus Crispin Remulla, 69% approval, 66% trust rating; at Finance Secretary Benjamin Diokno, 68% approval, 70% trust rating.
Ang RPMD national survey ay isinagawa mula June 25-July 5 at nilahukan ng 10,000 adult respondents na mula sa iba’t ibang syudad at rehiyon. | ulat ni Merry Ann Bastasa
