May bago pinuno ang Land Transportation Office sa katauhan ni LTO Assistant Secretary Vigor Mendoza II.
Matapos makapanumpa kay Transportation Secretary Jaime Bautista, tiniyak nito sa publiko ang mahusay na serbisyo sa ilalim ng kanyang pamumuno sa ahensiya.
Sinisiguro din nito ang pagtugon sa iba’t ibang concern ng publiko, kabilang ang kakulangan sa mga license card at mga backlog ng motor vehicle plates.
Determinado siyang tulungan ang kalihim ng DOTr sa tulong din ng publiko para agad maisakatuparan ang mga dapat gawin.
Aniya, hindi kailangang magsayang ng oras sa dami ng kailangang gawin sa ahensiya at sa dami ng kailangan maayos. | ulat ni Rey Ferrer
