Pansamantalang sarado ang pamosong Bolinao Falls at Patar Public Beach sa Bolinao, Pangasinan sa lahat ng turista at bisita ngayong araw ika-29 Hulyo 2023.
Ang advisory ay nilabas ng Bolinao Tourism Office dahil sa alalahanin sa kaligtasan na dulot ng above-normal water level, at malalakas na alon at agos sa Patar Beach bunsod ng sama ng panahon na nararanasan ng lalawigan ng Pangasinan.
Dagdag dito, humingi ng paumanhin ang Bolinao Tourism Office sa anumang abala na dulot ng pagsasara at taos-puso nagpapasalamat sa pang-unawa habang inuuna ang kaligtasan ng lahat ng mga bisita. | ulat ni Ricky Casipit | RP1 Dagupan
