Ginawaran ng Japanese Government ng Order of the Rising Sun, Gold Rays with Neck Ribbon si Commission on Audit (COA) Chairperson at dating National Telecommunications Commission (NTC) Commissioner Gamaliel Cordoba, sa isinagawang conferment ceremony sa official residence ng Japanese Ambassador sa Makati City.
Iginawad ni Japanese Ambassador to the Philippines Kazuhiko Koshikawa ang pagkilala kay Cordoba, dahil sa kanyang ambag sa pagsusulong ng kooperasyon sa pagitan ng Japan at Pilipinas sa larangan ng telecommunications.
Sa kanyang congratulatory message, kinilala ni Ambassador Koshikawa ang mahalagang papel ni Cordoba sa pagkakaroon ng ISDB-T sa Pilipinas. Ang ISDB-T ang siyang terrestrial digital television-broadcasting standard na ginagamit ng Japan.
Dagdag pa ng ambassador, naging matagumpay ang paglulunsad at roll-out ng ISDB-T sa bansa dahil sa pagsisikap ni Cordoba, sa pamamagitan ng kooperasyon nito sa public at private sector ng Japan. | ulat ni Gab Villegas
📸: Embassy of Japan in the Philippines
