Muling nanawagan si Davao City Rep. Paolo Duterte na maibalik ang death penalty sa bansa.
Ang panawagan ng kinatawan ay bunsod na rin ng dumaraming kaso ng gun violence at rape-slay, isa na rito ang pinatay na architect sa Davao City.
Noong nakaraang taon pa inihain ni Duterte at ilan pang mambabatas ang House Bill 501 para sa pagbabalik ng parusang kamatayan sa heinous crimes gaya ng murder at rape.
Naniniwala si Duterte na ang pagbabalik sa capital punishment ay makatutulong para matakot ang mga kriminal na gumawa pa ng kasalanan.
“While it can be argued that one’s death will never be commensurate to his/her crimes, the fear of death as punishment serves as deterrence, hindering potential criminals to commit such [heinous] crime[s]. Now, more than ever, is the time to restore the death penalty in the country because we must not be too complacent with these criminals at the expense of the safety of the whole nation,” ani Duterte. | ulat ni Kathleen Jean Forbes
