Pinag-aaralan na ng Deparment of Migrant Workers o DMW na gawing libre ang Overseas Employment Certificate o yung OFW Pass para sa mga kababayan na magtatrabaho sa ibang bansa.
Ayon kay Migrant Workers Secretary Susan Toots Ople, ito ang naging direktiba sa kaniya ni Pangulong Ferdinand R. Marcos Jr. matapos makipagpulong ito sa Malacañang.
Kaungay nito, iprinesenta rin ni Ople sa Pangulo ang kanilang bagong mobile app tampok ang mga serbisyong hatid ng DMW para sa mga OFW na makukuha mula sa kani-kanilang smartphones at maaring ma-download sa Google Play at Apple App Store.
Samantala, nais naman ni Pangulong Marcos Jr. na i-integrate ang naturang mobile app sa Bureau of Immigration sa kanilang e-Travel App nang sa gayon ay maisama ito sa e-government app ng pamahalaan. | ulat ni Arrian Jeff Ignacio
