Nagbigay paalala ang Embahada ng Pilipinas sa Italy sa mga overseas Filipino worker (OFW) na mag-ingat sa heat wave dahil sa labis na init ng panahon na kanilang nararanasan sa naturang bansa.
Sa inilabas na abiso ng Italian Ministry of Health na ilang lungsod sa Italya ang nakataas sa red alert level kung saan pumapalo sa mahigit 40 degrees Celsius ang temperatura doon at inaasahang tumagal pa ng ilang araw
Batay sa pagtaya ng Department of Foreign Affairs na nasa halos 200,000 na mga overseas Filipino ang kasalukuyang naninirahan at nagtatrabaho sa nasabing bansa.
Dahil sa nasabing kalagayan ay pinayuhan ang ating mga kababayan, lalo na mga senior, mga buntis, at mga bata na huwag magbabad sa labas at ugaliing uminom ng tubig dahil sa sobrang init dulot ng heat wave. | ulat ni AJ Ignacio
