Nahuli na ng pulisya ang high-value drug personality sa Pagbilao, Quezon matapos ang isinagawang buy-bust operation.
Kasabay nito ang pagkakumpiska ng mga otoridad ng ilegal na droga sa kanya na nagkakahalaga ng P3,672,000.
Kinilala ni Quezon Provincial Police Office Provincial Director PCol. Ledon Monte ang naarestong suspek na si Samuel Marino ng Brgy. Sta. Catalina ng nasabing lalawigan.
Sinabi ni Col. Monte, matagal nang minamanmanan ng pulisya ang drug activities ni Marino bago siya naaresto.
Nasa kustodiya na ng Pagbilao Municipal Police Station ang nahuling drug peraonality at inihahanda na ang kasong isasampa laban sa kanya. | ulat ni Rey Ferrer
