Abot sa 1,406 na pamilya o katumbas na 4,592 indibidwal ang sapilitang inilikas sa barangay Bagong Silangan simula kagabi.
Isinagawa ang forced evacuation ng pamahalaang lungsod ng Quezon ng tumaas ang tubig baha sa Marikina River.
Ang mga apektadong ay mula sa 31 lugar sa barangay na malapit sa ilog.
Bagama’t bumaba na sa alarm level 1 ang ilog ng Marikina ay hindi pa pinapayagang makabalik sa kanilang tirahan ang mga residente.
Mananatili muna sila sa evacuation centers hangga’t may banta pa ng mga pag-ulan dulot ni bagyong Falcon at habagat. | ulat ni Rey Ferrer
