Idedeploy na rin ng Quezon City Police District ang 52 drones sa ikalawang State Of the Nation Address (SONA) ni Pangulong Ferdinand R. Marcos Jr. bukas.
Ayon kay QCPD Director PBGen. Nicolas Torre III, gagamitin ang mga drone para sa aerial surveillance ng iba’t ibang aktibidad sa Commonwealth Avenue.
Sa ngayon, nasa 100% nang handa ang QCPD sa SONA bukas.
Nakalatag na ang lahat ng seguridad sa kahabaan ng Commonwealth Avenue hanggang Batasan Complex.
Sa panig ng QCPD, higit anim na libong pulisya ang kanilang ipapakalat sa iba’t ibang lugar na may aktibidad sa SONA. | ulat ni Rey Ferrer
