Patuloy sa pagbabawas ng tubig ang Ipo Dam sa Norzagaray, Bulacan dahil sa mga pag-ulang dulot ng Habagat.
Sa datos ng PAGASA Hydrometreology Division, as of 6am ay umabot sa 101.31 ang water level sa Ipo Dam na lagpas pa rin sa spilling level ng dam na nasa 101 meters.
Sinimulan pa kahapon ng alas-11 ng umaga ang pagpapakawala ng tubig sa dam.
Sa ngayon ay .20 meters ang bukas na gate ng Ipo Dam.
Bukod dito, patuloy rin sa pagpapakawala ng tubig ang Ambuklao at Binga Dam.
Samantala, higit sa limang metro naman ang nadagdag sa lebel ng tubig sa Angat Dam na ngayon ay nasa 188.20 meters mula sa 182.98 meters kahapon. | ulat ni Merry Ann Bastasa
