Sinabi ni CIBAC Partylist Rep. Bro. Eddie Villanueva na kanyang ipapanalangin si Pangulong Ferdinand R. Marcos Jr. upang bigyan ng lakas at moral ascendancy na harapin ang kanyang mga hangarin sa bansa.

Ito ang pahayag ni Bro. Eddie kasunod ng SONA ni Pangulong Ferdinand R. Marcos Jr.

Pinuri ng kongresista ang mga plano ng pangulo sa infrastructure, transportation, economy, agriculture, education, health at ang laban nito kontra smuggling and korupsyon.

Aniya, maituturig na perfect recipes ito para sa inclusive development at maaring paghugutan ng pagasa at inspirasyon ng sambayanan.

Kaya ayon sa mambabatas kailangan ng lakas ng loob ng presidente upang maisulong ang kanilang national goal at moral ascendancy upang hingin ang suporta at kooperasyon ng ibat ibang ahensya ng gobierno at private sector.

Samantala, ayon naman kay Iloilo Rep. Julienne Baronda, bilib siya na nagawa ng administrasyong na protektahan ang soberinidad ng bansa habang isinusulong ang paglago ng ekonomiya.| ulat ni Melany V. Reyes