Hindi pa rin nakatulong ang magdamag na pag-ulan para tumaas ang lebel ng tubig sa Angat Dam.
Sa kabila niyan, halos hindi naman gumalaw ang lebel ng tubig sa dam na mula sa 178.03 meters kahapon ay naitala ngayon sa 178.02 meters o bawas na isang sentimetro lamang
Ayon sa PAGASA Hydrometreology Division, hindi man nadagdagan ay napabagal naman ng mga
pag-ulan ang pagbaba ng antas ng tubig sa Angat Dam.
Samantala, nadagdagan naman ang lebel ng tubig sa Ipo Dam na ngayon ay nasa 99.15 meters mula sa 98.56 meters kahapon.
Maging ang La Mesa Dam ay nagkaroon din ng pagtaas sa lebel ng tubig na naitala sa 78.51 meters.
Bumaba naman ang lebel ng tubig sa Ambuklao, Binga, at Caliraya Dam. | ulat ni Merry Ann Bastasa
