Nanawagan ang Manila Electric Company o Meralco sa mga kwalipikadong pamilya na maaaring mag-avail ng lifeline rate program ng Meralco upang makabawas sa singil sa kanilang buwanang bill.
Ayon kay Meralco Corporate Communications head at spokesperson Joe Zaldirriaga, bukas ang bawat Meralco branches para tumanggap ng aplikasyon sa mga lifeline consumers.
Kaugnay nito, maaari ring mag-apply ang mga 4Ps members sa naturang programa dahil kabilang sila sa sektor na prayoridad ng Meralco.
Kinakailangan lamang ng mga katibayan at dokumento mula sa Department of Social Welfare and Development (DSWD). | ulat ni AJ Ignacio
