Umabot na sa 11,045 pamilya o 42,815 indibidwal ang naaapektuhan ng pag-aalburuto ng Bulkang Mayon sa Albay.
Batay ito sa ulat ng National Disaster Risk Reduction and Management Council (NDRRMC) ngayong Lunes, Hulyo 3.
Nagmula ang mga apektadong residente sa 26 barangay sa lalawigan, kung saan 5,775 pamilya o 20,314 indibidwal ang sumisilong sa 28 evacuation center.
Habang 408 pamilya o 1,427 na indibidual ang pinagkakalooban ng tulong sa labas ng mga evacuation center.
Sa ngayon, mahigit sa 131 milyong pisong halaga ng tulong ang naipamahagi ng pamahalaan sa mga apektado ng bulkan. | ulat ni Leo Sarne
