Nababahala si ANAKALUSUGAN party-list Rep. Ray Reyes sa datos ng National Nutrition Council kung saan 35% ng mga Pilipino o apat sa sampu, ang hindi nakakakain ng masustansyang pagkain.
Kaya’t bilang pakikiisa sa National Nutrition Month, muling inihirit ni Reyes ang agarang pagpapatibay sa House Bill 2189 o Zero Hunger Bill.
Dahil aniya sa nananatiling problema ng bansa malnutrisyon ay kailangan tiyakin ang food security at access ng mga Pilipino sa masustansyang pagkain.
Sa ilalim ng panukala, itatayo ang Commission on the Right to Adequate Food, na mangunguna sa paglalatag at pagpapatupad ng polisiya kaugnay ng pagtugon sa kawalan ng makain at iba pang katulad na isyu.
Layon din nito na tuluyang mabura ang kagutuman pagsapit ng 2030.
“Malnutrition remains a serious problem in our country and it is our duty to address, not just hunger incidence, but also the lack of healthy food available to all at a fair price point…This measure is in line with President Ferdinand Marcos, Jr.’s avowed policy to exhaust all efforts to ensure food security in the country, so I hope that as soon as possible we can pass it,” ani Reyes. | ulat ni Kathleen Jean Forbes
