Sinimulan na ng National Housing Authority ang paglipat sa mga residente mula sa Estero de Magdalena sa Binondo, Manila.
Sa direktiba ni General Manager Joeben Tai, may kabuuang 32 pamilya ang ililipat sa proyektong pabahay ng NHA sa Sunshine Ville 2, Brgy. Cabuco, Trece Martires, Cavite.
Napilitang ilipat ang mga pamilyang naninirahan sa nasabing estero nang mabagsakan ng malaking puno ng balete ang ilang kabahayan doon.
Ipinangako ni GM Tai na pagkalooban ng pabahay ang mga pamilya para maialis sa delikadong lugar alinsunod sa mandato ng NHA. | ulat ni Rey Ferrer
