Nagpaabot na ng tulong ang Department of Social Welfare and Development (DSWD) sa mga naulilang pamilya ng mga pasaherong nasawi sa paglubog ng motorbanca sa Binangonan, Rizal.
Sa ulat ng DSWD Field Office CALABARZON, may 18 pamilya mula sa Talim Island ang pinagkalooban na ng P10,000 bawat isa.
Sumailalim na rin sa simultaneous psychological first aid (PFA) ang mga miyembro ng pamilya upang maibsan ang naramdamang trauma.
Nangako pa ang ang DSWD na bibigyan din ng tulong pinansiyal ang iba pang pamilya ng nasawi sa susunod na mga araw.
Batay sa ulat, 27 ang bilang ng sakay na pasahero ang nasawi sa trahedya at 40 ang nakaligtas.
Samantala, pinagkalooban na rin ng financial assistance ang pamilya ng 14 anyos na batang lalaki na nalunod sa San Miguel Bulacan sa kasagsagan ng pananalasa ni Super typhoon Egay. | ulat ni Rey Ferrer
