Hinihimok ng Pilipinas ang mga bansang kasapi ng Non-Aligned Movement na magkaisa at tugunan ang mga mahahalagang hamon na kinakaharap ng mundo at regional developments sa katatapos lang na Non-Aligned Movement Ministerial Meeting na ginanap sa bansang Azerbaijan.
Binigyang-diin ni Department of Foreign Affairs (DFA) Undersecretary Carlos Sorreta na hindi dapat hati ang Non-Aligned Movement sa pamamagitan ng external powers at dapat manatiling tapat sa prinsipyo nito tulad ng: self-determinaton, non-interference, sovereign equality and independence, at true non-alignment.
Hinimok ng Pilipinas ang NAM na itaguyod ang interes ng mga developing countries sa mga pangunahing isyu tulad ng climate change, pag-access at responsableng paggamit ng mga makabagong teknolohiya tulad ng AI, at pagtagumpayan ang inequality, underdevelopment, at racism.
Binanggit rin ni Sorreta na ang Non-Aligned Movement ang siyang dapat nangunguna sa pagtataguyod ng kapayapaan at seguridad at mapayapang paglutas ng mga hindi pagkakaunawaan. Humiling rin ito na suportahan ang kandidatura ng Pilipinas para sa non-permanent seat nito sa UN Security Council para sa taong 2027-2028.
Ang Non-Aligned Movement ang pinakamalaking political grouping sa United Nations na binubuo ng 120 developing countries. | ulat ni Gab Humilde Villegas
