Ipinagmalaki ngayon ng Bureau of Customs (BOC) na tumaas ang kanilang revenue collection sa unang pitong buwan ng taong kasalukuyan.
Batay sa datos ng BOC, nakapagtala sila ng 7.4% na pagtaas sa kanilang revenue collection o katumbas ng may P476 bilyon
Ito ay bunga ng pinaigting nilang kampanya kontra smuggling, na naglalayong malikom ang nararapat na pondo na siya namang ihahatid sa taumbayan.
Magugunitang kahapon, ibinida ni Pangulong Ferdinand R. Marcos Jr ang accomplishment na ito ng BOC sa kaniyang ikalawang State of the Nation Address (SONA).
Maliban sa BOC, nakapagtala rin ng mataas na revenue collections ang Bureau of Internal Revenue (BIR) na pumalo ng mahigit P1 trilyon. | ulat ni Jaymark Dagala
