Para kay Senador JV Ejercito, mas nais niyang ibalik na lang ang dating tourism campaign ng Pilipinas na “It’s More Fun in the Philippines”.
Ito ay dahil aniya nabalot na agad ng kontrobersiya ang bagong toursim slogan ng bansa na “Love the Philippines” dahil sa palpak na promotional video.
Paliwanag ni Ejercito, bukod sa magastos ang paglulunsad ng bagong tourism slogan ay kakailanganin rin ng mahabang panahon bago magkaroon recall sa mga tao ang isang bagong kampanya.
Sa kabila ng naging isyu, binigyang diin ng mambabatas na buo pa rin ang kanyang tiwala at suporta kay Toursim Secretary Christina Frasco.
Aniya, hindi dapat matabunan ng insidenteng ito ang pinamalas na kasipagan ng kalihim para sa pagsusulong at pagpapasiglang muli ng turismo ng Pilipinas. | ulat ni Nimfa Asuncion
