Hindi nababahala si Senador Ronald ‘Bato’ Dela Rosa sa anumang ilalabas na desisyon ng international criminal court (ICC) tungkol sa apela ng ating pamahalaan, na huwag ituloy ang imbestigasyon sa mga umano’y extra judicial killings sa war on drugs ng Duterte Administraton
Ayon kay Dela Rosa, bahala ang ICC sa gusto nilang gawin at wala na siyang pakialam dito.
Nagkausap aniya sila ni dating pangulong rodrigo duterte at maging ito ay hindi nababahala sa ilalabas na desisyon ng ICC
Sinang-ayunan rin ng senador ang sinabi ni Justice Secretary Jesus Crispin Remulla, na hindi susundin at hindi ipapatupad ng ating pamahalaan sakaling mag-isyu ng warrant of arrest ang ICC sa mga akusado.
Ito ay dahil sa hindi na aniya tayo miyembro ng ICC kaya hindi na tayo obligadong sumunod sa isinasagawa nilang proseso. | ulat ni Nimfa Asuncion
