Nakikiisa si Senate President Pro Tempore Loren Legrada sa paggunita ng Pilipinas sa 7th anniversary ng makasaysayang The Hague arbitral ruling ngayong araw.
Ang naturang desisyon ang nagkumpirma ng territorial claim ng Pilipinas sa mga teritoryong sakop ng ating exclusive economic zone (EEZ) at iba pang teritoryo sa loob ng WPS.
Ayon kay Legarda, ang makasaysayang ruling na ito ang mahalaga sa pagpapalakas ng hakbang ng bansa sa pagpreserba ng ating territorial integrity, pagprotekta sa ating maritime resources at sa ating tungkulin na pangalagaan ang marine biodiversity.
Pinuri rin ng senadora ang patuloy na pagsisikap ng gobyerno sa pagsusulong ng sovereign rights ng pilipinas habang pinapanatili ating mga diplomatic relations.
Umaasa ang mambabatas na mananatili tayong determinado sa paninindigan sa mga prinsipyo ng international law, pagtataguyod ng kapayapaan at pagprotekta ng ating mga national interest sa pamamagitan ng patuloy na panawagan para sa epektibong pagpapatupad ng The Hague ruling.| ulat ni Nimfa Asuncion
