Timbog sa pinagsamang pwersa ng Pangasinan Police Provincial Office at Dasol Police Station ang Top 1 Most Wanted Provincial Level dahil sa kasong Qualified Rape.
Arestado ang 49-taong gulang na suspek, isang magsasaka at residente ng Brgy. San Vicente, Dasol, Pangasinan noong ika-24 Hulyo 2023.
Ang pag-aresto ay may bisa ng warrant of arrest na inilabas ng Regional Trial Court Branch 70 sa Burgos Pangasinan.
Walang inerekomendang bail bond o piyansa sa kasong kahaharapin ng suspek.
Samantala, nananatiling matatag ang Pangasinan PPO sa pangako nitong puksain ang lahat ng uri ng kriminalidad upang matiyak ang kaligtasan ng mamamayan.| ulat ni Ricky Casipit| RP1 Dagupan
