Nagpaabot ng mensahe si Vice President at Education Secretary Sara Z. Duterte sa mga nagsipagtapos ng Aurora National High School.

Sa kanyang naging talumpati sa 203 na mag-aaral ng naturang paaralan, sinabi ng ikalawang pangulo ng bansa na huwag matakot sa pag-abot ng kani-kanilang mga pangarap at huwag sumuko sa anumang dagok ng buhay.

Dagdag pa ni VP Sara na kung minsan ay may mga balakid sa pag-abot ng mga ito ngunit ito’y mga gabay lamang upang mas lumakas ang kanilang loob sa pag-abot nito.

Pinasalamatan din ng ikalawang pangulo ang mga guro at mga magulang ng bawat mag-aaral sa kanilang suporta at gabay sa mga ito at naabot nila ang kanilang pagsisipagtapos ngayon araw.| ulat ni AJ Ignacio