Ngayong balik-eskwela na ang mga mag-aaral, nagpaalala ang Department of Transportation (DOTr) na epektibo pa rin ang 20% discount para sa mga mag-aaral na sasakay sa mga pampublikong sasakyan.
Ito ay batay sa Republic Act 1134 o ang Student Fare Discount Act na inaprubahan noong April 17, 2019.
Kaugnay nito ay may 20% discount ang mga estudyante sa mga jeep, bus, taxi, LRT, MRT, PNR, eroplano, at pampasaherong barko.
Ayon sa DOTr, dapat bigyan ng diskwento ang mga mag-aaral kahit pa weekend, holiday, summer o semestral break.
Kinakailangan lamang ipakita ang student ID para makapag-avail ng discount. | ulat ni Diane Lear
