Sumampa na sa 85,395 pamilya o 305,481 indibidwal ang naaapektuhan ng bagyong Goring sa bansa.
Batay ito sa pinakahuling ulat ng National Disaster Risk Reduction and Management Council (NDRRMC).
Nagmula ang mga apektadong residente sa 1,152 barangay sa Ilocos Region, Cagayan Valley, Central Luzon, CALABARZON, MIMAROPA, Western Visayas at Cordillera Administrative Region (CAR).
Habang umakyat sa 10,468 pamilya o 38,021 indibidwal ang pansamantalang sumisilong sa 469 evacuation centers.
Nananatili sa isa ang naiulat na nawawala sa Western Visayas.
Nagpapatuloy naman ang pagbibigay ng tulong ng gobyerno kabilang na ang ready to eat food, family food packs, family kit, hygiene kit, at financial assistance. | ulat ni Leo Sarne
