Naglunsad ang iba`t ibang campuses ng Pangasinan State University ng Brigada Unibersidad bilang paghahanda sa darating na pasukan.
Nilahukan ng mga organisasyong pang-akademiko, mag-aaral, guro at mga volunteers ang kaganapan noong ika-18 Agosto upang makatulong sa darating na taong-panuruan 2023-2024, na uumpisahan ngayong ika-22 Agosto 2023.
Pangunahing layunin ng brigada unibersidad ang pagbabayanihan tungo sa mas malinis at maayos na kaayusan sa mga pasilidad ng eskwelahan.
Pinagtitibay rin ng nasabing kaganapan ang koneksyon sa pagitan ng mga mag-aaral at kawani ng unibersidad. | ulat ni Ricky Casipit | RP1 Dagupan
