Muling iginiit ni Bureau of Corrections (BuCor) Director General Gregorio Catapang Jr. na dapat baguhin na ang asal at attitude ng bawat kawani ng BuCor para sa pagsasaayos ng kanilang hanay.
Aniya, kailangan nang mag-umpisa sa mga jail guards ang magandang asal upang sumunod din ang mga Persons Deprived of Liberty (PDL).
Dagdag pa ni Catapang na isinasaayos na ang iba pang programa para sa mga kawani ng BuCor tulad ng pabahay magandang benepisyo at magandang sahod upang hindi na gumawa ng anumang iligal na gawain.
Samantala, patuloy pa rin ang imbestigasyon sa bawat kawani ng BuCor na sumasalungat sa pagsasaayos at reporma ng Correctional ng bansa. | ulat ni AJ Ignacio
