Welcome kay Bureau of Corrections (BuCor) Director General Gregorio Catapang Jr. ang pagtatalaga kay Gil Torralba bilang bagong deputy director general ng BuCor.
Aniya, malaking bagay ang pagkakatalaga ni Pangulong Ferdinand R. Marcos Jr. kay Torralba para maka-agapay nito sa paglilinis at pagsusulong ng mga bagong reporma sa lahat ng piitan ng BuCor sa bansa kabilang na ang New Bilibid Prisons sa Muntinlupa City.
Dagdag pa ni Catapang na magagamit nila ang experiensya ni Torralba dahil isa itong dating pulis at dating provincial jail warden.
Samantala, makakaasa naman ang taumbayan na patuloy na isusulong ng kanilang liderato ang kanilang makakaya upang magkaroon ng maayos na sistema ang lahat ng prison farms na hawak ng Bureau of Corrections at mga reporma sa Persons Deprived of Liberty (PDLs). | ulat ni AJ Ignacio
