Ipinag-utos na ngayon ni Bureau of Corrections (BuCor) Director General Gregorio Pio Catapang ang pagkakasa ng malalimang imbestigasyon.
Ito’y para alamin kung paano nakatakas sa New Bilibid Prisons (NBP) sa Muntinlupa City ang Person Deprived of Liberty (PDL) na si Michael Cataroja.
Ayon kay Catapang, nais niyang malaman kung sino ang responsable sa pagtakas ni Cataroja upang mapanagot ito.
Kaya naman magbubuo na rin ang BuCor ng isang Board of Inquiry upang malaman ang mga detalye ng pagtakas ni Cataroja.
Una nang kinumpirma ng Rizal Provincial Police Office ang pagkakaaresto kay Cataroja sa pinagtataguan nito sa Angono, Rizal kahapon ng hapon. | ulat ni AJ Ignacio
