COMELEC at iba’t ibang law enforcement agencies, muling magpupulong sa isang command conference

Facebook
Twitter
LinkedIn

Muling magpapatawag ng isang Command Conference ang Commission on Elections (COMELEC) kasama ang mga opisyal ng Armed Forces of the Philippines (AFP), Philippine National Police (PNP) at Philippine Coast Guard (PCG) sa Agosto 22.

Ito ang inihayag ni COMELEC Spokesperson, Atty. John Rex Laudiangco matapos ang isinagawang courtesy call sa kanila ng bagong Commanding General ng Philippine Army na si Lt/Gen. Roy Galido.

Ayon kay Laudiangco, matagal nang nakatrabaho ng poll body si Galido mula nang siya’y pinuno pa ng Army’s 6th Infantry Division, Commander ng Western Mindanao Command at ngayo’y bilang pinuno na ng Philippine Army.

Sa nasabing courtesy call, kinuha na ni COMELEC Chairman George Erwin Garcia ang pagkakataon para kunin muli ang suporta ng AFP partikular na ng Philippine Army para sa paghahanda at pagtitiyak ng seguridad para sa Barangay at SK Elections.

Magugunitang itinalaga ni Pangulong Ferdinand R. Marcos Jr si Galido bilang Philippine Army Chief, kapalit ni Gen. Romeo Brawner Jr na umakyat naman bilang Chief of Staff ng AFP. | ulat ni Jaymark Dagala

📾: COMELEC

Radyo Pilipinas

Radyo Pilipinas is the flagship government AM radio station of the Philippine Broadcasting Service (PBS), which is under the Presidential Communications Operations Office (PCOO) of the Office of the President, Republic of the Philippines. Its frequency is 738khz on the Philippine AM band.

Recent Posts

Follow Us