Inihayag ni Bureau of Internal Revenue (BIR) Commissioner Romeo Lumagui Jr., na mandatory na ang discounts sa senior citizens at persons with disabilities (PWDs) sa pagbili online o sa pamamagitan ng mobile applications.
Ito ang nakasaad sa Revenue Regulations No. 8-2023 na inilabas ng BIR Chief.
Sinabi rin nito, na hindi kailangan ang pirma ng mga senior citizen at PWD kung ang qualified purchase ay ginawa online o sa pamamagitan ng mobile applications.
Dapat pa ring ibigay ang numero ng senior at PWD identification card.
Giit pa ng opisyal, dapat kilalanin ng mga online platform ang mandatory discount na ibinibigay sa nakakatandang mamamayan at may kapansanan.
Ang RR No. 8-2023 ay inisyu ni Commissioner Lumagui bilang pagsulong ng kanyang layunin na magbigay ng mahusay na serbisyo sa taxpayer. | ulat ni Rey Ferrer
