Isina-aktibo na ng Department of Social Welfare and Development (DSWD) Field Office sa Cordillera Administrative Region ang kanilang Regional Operations Center bilang paghahanda sa bagyong #GoringPH.
Sa pamamagitan nito masusubaybayan ang galaw at epekto ng bagyo sa rehiyon.
Pagtitiyak ng DSWD na nakahanda na sila sa nakaambang epekto ng sama ng panahon.
Nasa higit 29,000 na family food packs ang nakahanda na sa Abra, Mt Province, Apayao, Kalinga at Benguet.
Bukod sa mga food packs, may nakalaan ding 22,683 halaga ng non-food items ang DSWD at 4,437,218 na available standby funds. | ulat ni Rey Ferrer
