Kahit holiday, tuloy ang pamamahagi ng ayuda ng Department of Social Welfare and Development para sa mga biktima ng nagdaang Bagyong Egay.
Nagsagawa ngayong araw ang DSWD ng simultaneous payout ng Emergency Cash Transfer (ECT) sa ilang lugar sa Cagayan Valley at Central Luzon.
Kabilang sa nakinabang dito ang nasa 203 residente ng Bulala Sur sa Aparri, Cagayan.
Nabigyan din ng cash aid ang mga apektado ng kalamidad sa Bulacan at Pampanga.
Inaasahan ng kagawaran na makatutulong ang ECT para sa mabilis na pagbangon ng mga naapektuhang residente at para na rin sa pagsasaayos ng mga nasirang tahanan.
Una nang iniutos ni DSWD Secretary Rex Gatchalian ang mabilis na usad ng distribusyon ng ECT sa mga naapektuhan ng super typhoon. | ulat ni Merry Ann Bastasa
📸: DSWD
