Pinangunahan ni Department of Social Welfare and Development Secretary Rex Gatchalian ang pamamahagi ng transitory cash assistance sa mga decommissioned combatant’s ng Moro Islamic Liberation Front.
Ang pamimigay ng tulong ay ginawa sa pagpapatuloy ng Phase 3 Decommissioning ng mga miyembro ng MILF sa Sultan Kudarat, Maguindanao del Norte.
Personal na iniabot ni Secretary Gatchalian ang P100,000 cash aid sa bawat MILF combatant na sumailalim sa decommissioning process ng Independent Decommissioning Body.
Ayon sa DSWD ang Phase 3 Decommissioning, na ipinagpatuloy nitong Agosto, ay naglalayong iproseso ang ilang 1,301 MILF combatants sa loob ng buwan.
Mula noong 2015, nakapagbigay ng P2.48 bilyon na tulong pinansyal ang DSWD sa may 24,844 MILF decommissioned combatants. | ulat ni Rey Ferrer
