Napapahon na ayon sa Department of Justice o DOJ upang repasuhin ang kontrata sa mga proyekto sa ilalim ng Manila Bay reclamation.
Ito ang inihayag ni DOJ Sec. Jesus Crispin “Boying” Remulla bilang kaniyang legal na opinyon sa usapin dahil marami ang tiyak na maaapektuhan dito.
Paliwanag ng Kalihim, kung siya ang tatanungin, dapat muling bisitahin at silipin ang mga kontrata lalo’t matagal nang problema ng Metro Manila ang pagbaha tuwing may kalamidad.
Partikular na nais niyang mabusisi rito ani Remulla ay ang mga kontratang pinasok ng mga LGU at ng Philippine Reclamation Authority o PRA.
Kaya naman sinabi rin ng Kalihim na nais din niyang makausap si DENR Sec. Ma. Antonia Yulo – Loyzaga para alamin kung nasusunod pa ba ng reclamation projects ang mga panuntunan at umiiral na batas. | ulat ni Jaymark Dagala
