Arestado ang 5 indibidwal sa ikinasang buybust operation ng Iloilo City Drug Enforcement Unit sa Brgy. Boulevard, Molo, Iloilo City.
Ang mga nahuli ay kinilalang sina Al-June Mateo, 32 taong gulang at residente ng Brgy. West Habog-Habog, Molo; John Rey Bataquin, 37 taong gulang at residente ng Brgy. West Habog-Habog, Molo; Geo Canlas, 29 anyos at residente ng Brgy. San Juan, Molo; Glen Paul Saul, 27 anyos, residente ng San Pedro Laguna pero pansamantalang naninirahan sa Zone 2 Brgy. San Juan, Molo at Isaias Dela Cruz, 33 anyos at residente ng Brgy. West Habog-Habog, Molo.
Nakumpiska sa mga suspek ang 150 gramo ng shabu na nagkakahalaga ng 1,020,000 pesos.
Sa monitoring ng kapulisan, high value target sina Mateo, Bataquin at Canlas at street level individual naman sina Saul at Dela Cruz.
Kasong paglabag sa Republic Act 9165 ang kakaharapin ng mga suspek. | ulat ni Paul Tarrosa| RP1 Iloilo
